Žychar Babrujska sprabavaŭ skraści «Nissan Sunny», ale zachras na hazonie. Złodziej nie zdaŭsia
29.01.2020 / 18:29
25-hadovy žychar Babrujska sprabavaŭ skraści aŭtamabil «Nissan Sunny» na vulicy Internacyjanalnaj, paviedamlaje UUS.
Złodziej trapiŭ u aŭtamabil, adkryŭšy dźviery, i zavioŭ jaho. Praŭda, daloka jamu źjechać nie ŭdałosia — prajechaŭšy kala 100 mietraŭ, aŭtamabil zachras na hazonie. Samastojna vybracca ŭ mužčyny nie atrymałasia, tamu jon pakinuŭ aŭtamabil na hazonie.
Mužčyna viarnuŭsia na parkoŭku, adkul skraŭ «Nissan», i abraŭ sabie novuju metu: mikraaŭtobus Mercedes-Benz.
Transpart vykarystoŭvaŭsia ŭ jakaści maršrutnaha taksi, i tak atrymałasia, što zadnija dźviery nie byli začynieny. Praŭda, na hety raz kraści mašynu jon nie staŭ, a prosta skraŭ skryniu z hrašyma.
Hrošy złačyniec vyrašyŭ patracić na vypiŭku i adpraviŭsia ŭ mahazin. Kali ž jon viarnuŭsia za dabaŭkaj, jaho sustreli supracoŭniki milicyi. Na jaho zaviali kryminalnuju spravu.