U 2021 hodzie płanujuć pačać budaŭnictva novaha terminała Nacyjanalnaha aeraporta
30.01.2020 / 1:21
Budaŭnictva novaha terminała ŭ Nacyjanalnym aeraporcie płanujecca pačać u 2021 hodzie. Pra heta ŭ intervju haziecie «Respublika» raskazaŭ ministr transpartu i kamunikacyj Alaksiej Aŭramienka.
Ministr adznačyŭ, što sioleta pačniecca realizacyja prajekta pa arhanizacyi čyhunačnych znosin pamiž Minskam i Nacyjanalnym aeraportam (havorka pra zapusk aeraekspresa), jaki ciesna źviazany ź pierśpiektyvami dalejšaha raźvićcia aeraporta. U pieršuju čarhu — z budaŭnictvam novaha terminała.
«Dziejučy terminał raźličany na 7 młn pasažyraŭ. Pry isnujučaj dynamicy rostu pasažyraabarotu da 2022 hoda my vyjdziem na maksimum. Tamu i stavim sabie zadaču ŭ 2021 hodzie prystupić da budaŭnictva novaha terminała», — skazaŭ Alaksiej Aŭramienka.