Kolkaść achviar karanavirusa ŭ Kitai dasiahnuła 170
30.01.2020 / 07:12
Kolkaść tych, chto zachvareŭ na pnieŭmaniju, vyklikanuju novym karanavirusam, u Kitai vyrasła da 7711 čałaviek, kolkaść śmiarotnych zychodaŭ dasiahnuła 170. Pra heta ŭ čacvier paviedamiŭ Dziaržaŭny kamitet pa spravach achovy zdaroŭja KNR, piša tass.ru.
1370 z zafiksavanych 7711 vypadkaŭ zachvorvańnia aceńvajucca jak ciažkija.
Tolki ŭ sieradu ŭ Kitai vyjavili 1737 novych vypadkaŭ zaražeńnia karanavirusam i 38 śmiarotnych zychodaŭ, ź jakich 37 — u centralnaj kitajskaj pravincyi Chubej i adzin — u paŭdniova-zachodniaj pravincyi Syčuań.
Ułady KNR pacvierdzili pieršy vypadak zachvorvańnia na pnieŭmaniju ŭ Tybieckim aŭtanomnym rajonie, jaki byŭ apošnim svabodnym ad hetaha zachvorvańnia rehijonam Kitaja.
U čacvier kolkaść mierkavanych vypadkaŭ zachvorvańnia ŭ KNR dasiahnuła 12 167. Nie mienš jak 88 693 čałaviek mieli ciesny kantakt ź infikavanymi, ź ich 81 947 znachodziacca pad miedycynskim nahladam.