Minzdaroŭja: Prykmiet karanavirusa ŭ evakujavanych z Kitaja biełarusaŭ niama

03.02.2020 / 14:17

 Pra heta paviedamiŭ žurnalistam 3 lutaha ministr achovy zdaroŭja Uładzimir Karanik, pieradajuć Minsk-Naviny.

Z Uchania evakujavali piać čałaviek (usiaho tam znachodzicca 12 biełarusaŭ). Ich pieravieźli ŭ Kazachstan. Zaraz jany znachodziacca na karancinie ŭ Nur-Sułtanie.

— My pastajanna na suviazi z Pasolstvam u Kazachstanie i Ministerstvam achovy zdaroŭja Kazachstana, — dadaŭ U. Karanik. — Našy hramadzianie prylacieli ŭ Nur-Sułtan biez prykmiet karanavirusa, stan ich zdaroŭja nie vyklikaje bojazi. Ciapier ich abśledujuć. Pa zaviaršeńni karancina biełarusaŭ adpraviać na radzimu. U najbližejšyja dni z Kitaja vylecić rasijski bort. U im taksama adviaduć miescy dla biełarusaŭ.