U Maładziečnie aŭtobus naśmierć źbiŭ na pierachodzie 89-hadovaha dziadulu
03.02.2020 / 15:53
Zdareńnie adbyłosia ranicaj kala 7:05 2 lutaha na vulicy Vilenskaj nasuprać budynka laśnictva, pobač z prypynkam haradskoha pasažyrskaha transpartu. 89-hadovy mužčyna pierachodziŭ prajeznuju častku darohi pa rehulavanym pierachodzie na čyrvony sihnał śviatłafora, paviedamlaje mlyn.by.
Aŭtobus «MAZ» naležyć adnamu z pradpryjemstvaŭ Maładziečanskaha rajona.
Śviedka śćviardžaje, što pažyły mužčyna išoŭ pa piešachodnym pierachodzie. Pa słovach kiroŭcy, piensijanier ruchaŭsia na čyrvony sihnał śviatłafora.
Pa adnoj ź viersij, mužčyna moh pryniać aŭtobus za haradski pasažyrski transpart i śpiašaŭsia na prypynak, kab paśpieć źjechać na im.
U vyniku najezdu paciarpieły pamior na miescy zdareńnia.