Padborka moŭnych fejłaŭ, jakija vy dakładna bačyli, ale na jakija, mahčyma, nie źviartali ŭvahi
05.02.2020 / 20:22
Kožny dzień my bačym mnostva ŭkazalnikaŭ, jakija robiać žyćcio praściejšym. Pahladzicie, jakija typovyja pamyłki sustrakajucca ŭ samych roznych łakacyjach našaj krainy.
Pravilna pisać: «pa daručennI»
Manumient kala Čyrvonaha kaścioła.
Voś takaja šylda sustrakaje minčukoŭ i haściej stalicy ŭ samym centry.
Pravilna: pa daručeńni. Asnova ŭ słovie «daručeńnie» zakančvajecca na miakki zyčny, tamu pišam kančatak -i. (Praviła na kančatki miesnaha skłonu nazoŭnikaŭ 2-ha skłanieńnia.)
Pravilna pisać: kaSa
Voś jašče adzin prykład — z centralnaha čyhunačnaha vakzała.
U biełaruskaj movie padoŭžanyja zyčnyja ŭ zapazyčnych słovach źnikajuć: kasa, masa, miesa, Adesa. Ale jość i vyklučeńni: vanna, savanna, Miekka, Žanna, Hanna, Siuzanna, madonna, panna, manna…
Pravilna: dziažurny pa vakzałJe
Praciahniem hulać pa vakzale. Tut z «kasami» ŭsio ŭ paradku, ale źjaŭlajucca novyja pamyłki. Tut svoj upłyŭ akazvaje ruskamoŭny varyjant «diežurnyj po vokzału».
Ale ž asnova słova «vakzał» skančvajecca na ćviordy zyčny, tamu musić być kančatak -je. Kab takoha paźbiehnuć, treba vyvučyć pravapis usio tych ža kančatkaŭ miesnaha skłonu dla nazoŭnikaŭ 2-ha skłanieńnia.
Pravilna: pa bieznajaŭnYM raźliku (abo hatoŭkaj)
Jašče adno najpapularniejšaje miesca ŭ Minsku — mietro.
U biełaruskaj movie słušna budzie pisać «kasa bieznajaŭnaha raźliku». A kali chočam užyć z prynazoŭnikam — «kasa pa bieznajaŭnym raźliku». Takija voś asablivaści kiravańnia.
Pravilna: mJetro
I jašče trošku pra mietro.
Niahledziačy na pieršy skład pierad naciskam, litara -je- tut zachoŭvajecca. Słova zapazyčanaje, tamu nie choča paddavacca biełaruskamu pravapisu. Isnuje jašče šerah padobnych zapazyčańniaŭ: lehienda, kalektyŭ, hieroj. Heta treba prosta zapomnić.
Pravilna: handlovy centr
Vyjdziem z andehraŭndu, tut taksama jość na što pahladzieć.
Navošta nam čužyja «tarhovyja» centry, kali ŭ nas jość svaje «handlovyja»? Pierakład nie varyjatyŭny — pišam «handlovy». «Tarhavacca za lepšuju canu», ale «handal», «handlovy».
Pravilna: aDkryty
A voś takaja pryhažość jość u Breście.
Prystaŭki «at-» u biełaruskaj movie nie isnuje, tamu pišam «aDkrytaje», «aDtapyranaje», «aDsartavanaje».
Pravilna: Pieramohi
A heta prosta prykolna
Pravilna: pa zakonJe
Takija šyldy (z pamyłkaj) u Biełarusi bahata dzie možna ŭbačyć.
Usio tyja ž kančatki miesnaha skłonu. Asnova ŭ słovie «zakon» skančvajecca na ćviordy zyčny, tamu pišam -je. Taksama isnuje varyjant napisańnia «karajecca zakonam».
Kali i vy zaŭvažyli padobnyja niedarečnaści biełaruskaj movy, to dasyłajcie siudy: t.me/movabigmistake.
Krynica natchnieńnia dla artykuła — telehram-kanał «Kajfałomka».