Да 1 сакавіка ў Беларусі і Расіі з'явіцца адзіная база невыязных
07.02.2020 / 17:02
7 лютага ў Віцебску праходзіць пасяджэнне міждзяржаўнай рабочай групы, падчас якой бакі абмяркоўваюць рэалізацыю плана па стварэнні адзінай міграцыйнай прасторы Беларусі і Расіі, перадае МУС.
«Да 1 сакавіка гэтага года мы плануем завяршыць работы па ўнясенні даных і фарміраванні агульнага спіса грамадзян, права на выезд якіх абмежаванае, — распавёў начальнік Дэпартамента па грамадзянстве і міграцыі МУС Беларусі Аляксей Бягун. — Інфармацыя пра гэтую катэгорыю асоб будзе знаходзіцца непасрэдна ва ўсіх пунктах пропуску на дзяржаўных межах дзвюх краін».