JES pastrožyŭ praviła «pieršaha ŭjezdu» pa šenhienie: ciapier pieršy vizit musić być u krainu, jakaja vydała vizu
09.02.2020 / 09:05
Žorstkaje praviła «pieršaha ŭjezdu» stała dziejničać na terytoryi JES. Pamiežniki atrymali prava čaściej anulavać vizy turystam, jakija hrebujuć «abaviazacielstvam» pierasiekčy pieršuju miažu z krainaj, jakaja vydała vizu.
Pa słovach turapierataraŭ, u hetym hodzie vypadki departacyi ŭžo byli. Raniej na takija parušeńni na miažy zapluščvali vočy. Z hetaha času praviła pryjdziecca vykonvać niaŭchilna, raspaviadaje ANT.
Jość i dobryja naviny: tym, chto za apošnija try hady hadavy šenhien vykarystaŭ biez parušeńniaŭ, adrazu daduć dvuchhadovy, a jaho ŭładalniki zmohuć pretendavać na adznaku ŭ pašparcie terminam na 5 hadoŭ. Nahadajem, ciapier viza ŭ Jeŭrasajuz dla biełarusaŭ časova kaštuje 80 jeŭra. Ź leta nabuduć moc novyja ceny — šenhien za 35 jeŭra.