U Cichim akijanie vandruje čarhovy łajnier z 1450 pasažyrami. Piać krain admovilisia jaho pryniać z-za karanavirusa

12.02.2020 / 14:24

MasteroGarfield

Party niekalkich krain admovili ŭ prypynku łajnieru Westerdam kruiznaj kampanii Holland America Line z-za situacyi z karanavirusam.

Sudna adpraviłasia ŭ dvuchtydniovaje padarožža z Hankonha 1 lutaha, adnak ekipaž paśla byŭ vymušany admianić zapłanavanyja prypynki ŭ partach Tajvania, Japonii, Filipinach i vyspy Huam pa rašeńni ŭładaŭ. Takim čynam, miascovyja ŭrady pasprabujuć spynić mahčymy raspaŭsiud chvaroby.

Miarkujecca, što łajnier zavieršyć pajezdku ŭ čacvier, 13 lutaha, u tajłandskim partovym horadzie Łajem-Čabanh. U toj ža čas ministr achovy zdaroŭja krainy Anucin Čarnvirakuł zajaviŭ, što rasparadzicca ab admovie pryniać sudna.

Adznačajecca, što Westerdam nie zakryty na karancin, a na jaho borcie znachodziacca 1455 pasažyraŭ i 802 členy ekipažu — siarod ich niama zaražanych karanavirusam. Viadoma, što sudna maje dastatkovuju kolkaść paliva i praduktaŭ da kanca rejsa.

Nashaniva.com