«Hazprom nafta» zajaviła pra hatoŭnaść abmiarkoŭvać z Biełarussiu schiemy pastavak
12.02.2020 / 20:29
«Hazprom nafta» hatovaja abmiarkoŭvać z Biełarussiu roznyja schiemy pastavak nafty. Pra heta zajaviŭ hienieralny dyrektar kampanii Alaksandr Dziukaŭ, paviedamlaje RIA Novosti.
Pa słovach Dziukava, kampanija taksama hatova abmierkavać z biełaruskim bokam pastaŭki pa davalnickaj schiemie, kali kampanija pastaŭlaje syravinu na naftapierapracoŭčy zavod, paźniej zabiraje naftapradukty i adpraŭlaje ich na AZS.
Raniej u sieradu, 12 lutaha, prapanovu pracavać pa takoj schiemie rasijskim kampanijam vysunuŭ dziaržkancern «Biełnaftachim». Tady pres-sakratar kancerna Alaksandr Ciščanka paviedamlaŭ, što nijakich sustrečnych chadoŭ z boku rasijskich naftavych kampanij nie było zroblena.