Bakijeŭ padaryŭ tajamničy katedž kala Drazdoŭ 19-hadovaj dačce
13.02.2020 / 13:10
Były prezident Kyrhyzstana Kurmanbiek Bakijeŭ padaryŭ katedž płoščaj bolš za 565 kvadratnych mietraŭ u minskim rajonie Ržaviec svajoj dačce, 19-hadovaj Lejle Salijevaj.
Kurmanbiek Bakijeŭ, fota Siarhieja Zinina
Pra heta kažuć danyja z Adzinaha dziaržaŭnaha rehistra nieruchomaj majomaści Biełarusi. Damova dareńnia była zarehistravanaja ŭ vieraśni 2019 hoda.
Tolki paśla hetaha dom źjaviŭsia na publičnaj kadastravaj karcie Biełarusi. Heta ŭnikalnaja situacyja: nivodny inšy katedž nie pieravodzili ŭ taki schavany režym.
Nahadajem, Bakijeŭ uciok u Biełaruś u 2010 hodzie i paprasiŭ palityčny prytułak. Na radzimie jaho zavočna prysudzili da 30 hadoŭ źniavoleńnia za rasstreł apazicyjnaj demanstracyi i zapatravabali ad Minska ekstradycyi biehłaha prezidenta. Adnak Bakijeŭ i členy jaho siamji ŭžo atrymali biełaruskaje hramadzianstva.
Bolš za toje, eks-prezidentu z časam vydzielili ŭčastak pad budaŭnictva katedža na «vulicy bankiraŭ» — aproč jaho, na vulicy Miastroŭskaj u Minsku žyvuć Pavieł Kałaŭr, Piatro Prakapovič, Vasil Maciušeŭski i inšyja top-mieniedžary Nacbanka.
Za katedžam Bakijevych ciapier pabudavali šmatpaviarchoviki
Lejła Salijeva — małodšaja dačka Bakijeva. Jana studentka jurydyčnaha fakulteta BDU.
Jaje maci Nazhul Tałamušava pracavała dyrektarkaj hatela «Minsk», jaki naležyć Kiraŭnictvu spraŭ prezidenta Biełarusi.