У 44 амерыканцаў з лайнера Diamond Princess знайшлі каранавірус
17.02.2020 / 07:16
У 44 грамадзян ЗША, якія знаходзяцца на круізным лайнеры Diamond Princess у порце японскага горада Іякагама, выяўлены каранавірус 2019-nCoV. Пра гэта паведамляе The Washington Post са спасылкай на дырэктара нацыянальнага інстытута інфекцыйных захворванняў Энтані Фаўчы.
Паводле яго слоў, захварэлыя будуць праходзіць лячэнне ў бальніцах Японіі.
Лайнер Diamond Princess знаходзіцца на каранціне ў Іякагаме з пачатку лютага. На яго борце адбылася ўспышка каранавіруса. Усяго на караблі знаходзяцца каля 3,7 тыс. пасажыраў
Па апошніх звестках, колькасць тых, хто заразіўся вірусам на лайнеры, дасягнула 355 чалавек.