Biełaruski viadučy Dźmitryj Šepieleŭ syšoŭ z rasijskaha Pieršaha kanała
18.02.2020 / 23:21
Televiadučy Dźmitryj Šepieleŭ, jaki z 2017 hoda vioŭ na rasijskim Pieršym kanale tok-šou «Nasamreč», abviaściŭ pra svoj sychod. Pra heta jon napisaŭ u svaim Instagram-akaŭncie
Šepieleŭ paviedamiŭ, što rašeńnie pakinuć kanał dałosia jamu nialohka, adnak adznačyŭ, što jano było pryniata pa ŭzajemnaj zhodzie. Televiadučy zapeŭniŭ, što jaho zvalnieńniu nie papiaredničali ni kanflikty, ni ŭzajemnyja pretenzii. Pry hetym pryčyn zvalnieńnia Šepieleŭ nie nazvaŭ.
Dźmitryj Šepieleŭ rodam ź Minska, pačynaŭ karjeru na biełaruskim radyjo, pracavaŭ na BT i ANT. Z 2004 pa 2014 vioŭ pieradačy i na rasijskich, i na ŭkrainskich kanałach. U apošni čas pracavaŭ tolki ŭ Rasii, vioŭ tok-šou «Nasamreč».