Украінцы пачалі блакаваць дарогі і будаваць барыкады супраць прыезду эвакуяваных з Кітая
19.02.2020 / 22:32
Жыхары заходніх абласцей Украіны пачалі блакаваць дарогі і будаваць барыкады супраць прыезду людзей, якіх эвакуіруюць з Кітая і хочуць змясціць на каранцін.
У Вінніках Львоўскай вобласці перакрылі пад'езд да шпіталя ветэранаў войнаў і рэпрэсаваных з-за чутак, што да іх прывязуць эвакуяваных з Кітая ўкраінцаў, паведамляе Zaxid.net. А ў Мікулінцах Церабаўлянскага раёна Цярнопальскай вобласці каля 300 чалавек арганізавалі пратэст супраць магчымага ўвозу 98 эвакуяваных з Кітая людзей.
У Львоўскай вобласці паніка пачалася ў сераду, 19 лютага, калі са шпіталя пачалі эвакуіраваць пацыентаў.
На базе шпіталя ўсяго толькі прайшлі вучэнні медыкаў пра гатоўнасць бальніц да шпіталізацыі хворых на кітайскі каранавірус.
А ў Церабаўлянскім раёне Цярнопальскай вобласці жыхары ноччу паставілі блокпосты і дзяжураць у іх, каб не дапусціць прыезду эвакуяваных з Кітая ўкраінцаў.