Łukašenka paśla razmovy z Pucinym daručyŭ dasiahnuć pahadnieńnia pa nafcie
21.02.2020 / 13:19
Alaksandr Łukašenka paśla razmovy z rasijskim lidaram Uładzimiram Pucinym daručyŭ premjer-ministru krainy Siarhieju Rumasu «ŭsio raźličyć» i damovicca z Rasijaj ab pastaŭkach nafty. Pra heta paviedamlaje BiełTA.
«Alaksandr Łukašenka daručyŭ premjer-ministru, kab usio było raźličana i, narešcie, dasiahnuta pahadnieńnie pa dalejšaj pracy ŭ hetaj sfiery», — havorycca ŭ paviedamleńni.
Raniej stała viadoma, što Pucin padčas telefonnaj razmovy z Łukašenkam prapanavaŭ vypłacić Minsku kampiensacyju da $ 300 młn za straty, jakija Minsk panios z-za padatkovaha manieŭru.
Łukašenka nazvaŭ hetuju prapanovu «šlacham da raźviazańnia» zaciahnutaj sprečki pra canu nafty, jakaja pastaŭlajecca ŭ Biełaruś z Rasii.