«My — Jeŭropa epochi Siaredniaviečča»: Zialenski prakamientavaŭ padziei ŭ Novych Sanžarach
21.02.2020 / 15:10
RBK — Ukraina
Prezident Uładzimir Zialenski zajaviŭ, što «Ukraina — Jeŭropa epochi Siaredniaviečča paśla ŭčorašnich pratestaŭ u Novych Sanžarach», piša RBK-Ukraina.
Zialenski taksama vitaŭ ukraincaŭ, jakija viarnulisia z horada Uchań. Jon pažadaŭ im mocnaha zdaroŭja.
«Ščyra kažučy, my ŭvieś čas kažam, što Ukraina — heta Jeŭropa, dyk voś… učora ŭ niekatorych epizodach zdavałasia, što my — Jeŭropa epochi Siaredniaviečča. Na žal, davajcie nie zabyvać, što my ŭsie z vami ludzi, a nie… nie chaču ciapier padbirać niapravilnaje słova», — skazaŭ jon.
Učora va Ukrainu viarnulisia evakujavanyja z Uchania ŭkraincy i zamiežniki. Evakujavanych ukraincaŭ adpravili ŭ izalavany sanatoryj u Novych Sanžarach. Ale miascovyja žychary ŭ suviazi z hetym pačali biesparadki.
Pavodle kiraŭnika Nacyjanalnaj palicyi Ihara Klimienki, pravaachoŭniki na praciahu sutak u Novych Sanžar zatrymali 24 čałavieki. Pa fakcie sutyknieńniaŭ budzie praviedziena adpaviednaje rasśledavańnie dziejańniaŭ aktyŭnych pratestoŭcaŭ.