Ва Украіне чакаюць, што цана на газ да лета можа ўпасці да $80. Беларусь плаціць «Газпрому» $127
22.02.2020 / 11:18
Цана газу для Украіны летам можа зменшыцца да $80 за 1 тысячу кубаметраў. Пра гэта паведаміў міністр энергетыкі і аховы навакольнага асяроддзя краіны Аляксей Оржаль, перадае «Укрінформ».
Для параўнання, у пачатку 2020 года Беларусь плаціць «Газпрому» 127 даляраў за тысячу кубаметраў па кантракце.
Украінскі міністр заўважыў, што такое патанненне газу будзе мець не толькі пазітыўныя, але і негатыўныя наступствы: ва Украіне скароцяцца аб'ёмы ўласнай здабычы газу, бо яна стане менш рэнтабельнай.
Фота Надзеі Бужан