У Італіі ад каранавіруса памерлі ўжо чатыры чалавекі, захварэлі 210
24.02.2020 / 12:50
Колькасць ахвяр хваробы, выкліканай каранавірусам новага тыпу, дасягнула ў Італіі чатырох чалавек. Пра гэта паведаміла ў панядзелак агенцтва ANSA.
Чацвёртай ахвярай стаў 84-гадовы мужчына, шпіталізаваны ў горадзе Бергама (вобласць Ламбардыя).
Пры гэтым колькасць інфікаваных дасягнула 210 чалавек.
Найбольшая колькасць выпадкаў у вобласці Ламбардыя (165), 22 выпадкі зафіксаваныя ў Венета, у Эмілія-Раманья — 16 чалавек, у П'емонце — 6. Усе названыя вобласці размешчаны на поўначы Італіі. У сталічным рэгіёне Лацыа хворым застаецца адзін кітайскі пацыент.