U Drahičynie lisa pakusała sabaku
24.02.2020 / 15:38
Ilustracyjnaje fota
U Drahičynie lisa vyjšła ź lesu i pakusała sabaku, paviedamiŭ BiełTA namieśnik hałoŭnaha vieterynarnaha doktara rajona Maksim Rudy.
Incydent adbyŭsia dniom 23 lutaha na ŭskrainie rajcentra. Na vulicy 60 hadoŭ BSSR źjaviłasia lisa — mierkavana, zajšła tudy ź lesu. Pa słovach vidavočcaŭ, dzikaja žyvioła pavodziła siabie nieadekvatna: drapiežnica biehała pa vulicy, kusała koły aŭtamabilaŭ. Žychary pasprabavali złavić jaje, adnak taja schavałsia na adnym z pryvatnych padvorkaŭ. Tam jaje zabili, ale jana paśpieła pakusać sabaku.
«Bijałahičny materyjał adpraŭleny na daśledavańnie ŭ Bresckuju abłasnuju vieterynarnuju łabaratoryju. Kali pacvierdziacca aściarohi, i lisa akažacca chvoraja na šalenstva, na padvorak budzie nakładzieny karancin. Na ščaście, kantaktu źviera ź ludźmi nie było», — M.Rudy.