Vajnštejna pryznali vinavatym u dvuch epizodach hvałtu
24.02.2020 / 20:46
U ZŠA pradziusara Charvi Vajnštejna pryznali vinavatym pa dvuch punktach abvinavačvańnia ŭ sudzie pa spravie ab seksualnym hvałcie, paviedamlaje BBC.
Jon byŭ pryznany vinavatym u zhvałtavańni i seksualnym hvałcie. Sud prysiažnych ź siami mužčyn i piaci žančyn vynies svoj vierdykt u paniadziełak, 24 lutaha.
Adnak 67-hadovy Vajnštejn byŭ apraŭdany pa samym surjoznym abvinavačvańni suprać jaho — seksualnym zamachu i zhvałtavańni pieršaj stupieni.
U Łos-Andželesie jamu ŭsio jašče vystaŭlenyja abvinavačvańni ŭ zhvałtavańni i seksualnym hvałcie nad dźviuma žančynami ŭ 2013 hodzie.
Vajnštejn nie pryznaŭ siabie vinavatym u seksualnym hvałcie nad byłoj asistentkaj Mimi Chejli i zhvałtavańni aktrysy Džesiki Man, jakaja tady tolki pačynała svaju karjeru.