Dzikaść: u Minsku piedahoh pryjšoŭ u kabiniet dyrektara i zrabiŭ sabie charakiry
01.03.2020 / 15:33
18 lutaha ŭ Minskim pałacy dziaciej i moładzi adbyłosia nadzvyčajnaje zdareńnie: piedahoh Andrej S. pryjšoŭ u kabiniet da dyrektara, dastaŭ nož i pačaŭ bić i rezać sabie žyvot.
Minski pałac dziaciej i moładzi, fota ź Vikipiedyi
Kalehi pa Pałacy dziaciej i moładzi ŭ razmovach z «Našaj Nivaj» apisvajuć Andreja jak «vydatnaha mužčynu» i nie mohuć padabrać słoŭ, kab apisać zdareńnie, bo pryčyny im nie jasnyja.
Paciarpieły pracavaŭ u adździele techničnaj tvorčaści i sportu, jamu było trochu za 50 hod.
Miedyki na vyklik pryjechali chutka. Andrej S. vyžyŭ, ciapier jon u reanimacyi.
Administracyja nie kamientuje zdareńnie, źviazacca z samim Andrejem pakul niemahčyma — u miesiendžarach apošni raz jon byŭ u dzień zdareńnia, chatni telefon adklučany.
Kryminalnuju spravu pakul nie zaviali. Milicyja pravodzić pravierku, paviedamili «Našaj Nivie» ŭ Ministerstvie ŭnutranych spraŭ.