Трамп заявіў аб неадкладным вывадзе амерыканскіх войскаў з Афганістана і пра планы асабіста сустрэцца з лідарамі Талібана
01.03.2020 / 09:20
Прэзідэнт ЗША Дональд Трамп заявіў аб неадкладным вывадзе амерыканскіх войскаў з Афганістана.
«Сёння. Гэта пачнецца неадкладна», — адказаў амерыканскі лідар на пытанне аб тым, калі ЗША пачнуць вывад сваіх войскаў у рамках пагаднення з рухам «Талібан».
Таксама Трамп заявіў, што ў хуткім часе сустрэнецца з талібамі асабіста. Па словах амерыканскага прэзідэнта, яны пагадзіліся змагацца з тэрарызмам.
ЗША і «Талібан» заключылі мірнае пагадненне 29 лютага.