Treci nośbit karanavirusa ŭ Biełarusi: u Viciebskaj vobłaści, žančyna viarnułasia ź Italii
01.03.2020 / 16:35
Ministerstva achovy zdaroŭja paviedamiła pra vyjaŭleńnie treciaha nośbita karanavirusa ŭ Biełarusi: u Viciebskaj vobłaści, žančyna viarnułasia ź Italii.
U RNPC epidemijałohii i mikrabijałohii adzin z testaŭ, jakija byli zrobleny ŭ biełaruski, jakaja pražyvaje ŭ Viciebskaj vobłaści, vyjaviŭ frahmient RNK, jaki moža naležać typu karanavirusa 2019-nCoV.
Biełaruska i dvoje jaje kaleh prybyli ź Italii. U suviazi z tym, što jany byli niepraciahły čas u Paŭnočnaj Italii, ich vyklikali va ŭstanovu achovy zdaroŭja. Tut va ŭsich, chto prybyŭ, uziali testy i analizy. Pacyjentaŭ špitalivazali ŭ Viciebskuju abłasnuju kliničnuju infiekcyjnuju balnicu. Na siońnia stan usich troch zdavalniajučy, prykmiet zachvorvańnia niama. U dvuch kalehaŭ žančyny testy admoŭnyja.
Va ŭstanovach achovy zdaroŭja Biełarusi z padazreńniem na karanavirusnuju infiekcyju znachodziacca try pacyjenty. Va ŭsich traich stan zdavalniajučy, kliničnych prajaŭ chvaroby niama.