U Biełarusi paćvierdžany čaćviorty vypadak karanavirusa. Jašče ŭ dvuch čałaviek — stanoŭčyja vyniki testu
03.03.2020 / 20:09
U Biełarusi łabaratorna paćvierdžany čaćviorty vypadak karanavirusa, paviedamlaje Ministerstva achovy zdaroŭja.
Siońnia jašče adzin z testaŭ, jakija byli zrobleny hramadzianinu Biełarusi, vyjaviŭ RNK karanavirusa. Viadoma, što hety čałaviek byŭ izalavany dla arhanizacyi miedycynskaha nahladu ŭ suviazi ź ciesnym kantaktam z adnym ź infikavanych pacyjentaŭ.
Takim čynam paćvierdžana 4 vypadki infikavańnia.
Jašče 2 testy papiarednie demanstrujuć stanoŭčyja vyniki, pravodzicca ŭdakładnialnaja łabaratornaja dyjahnostyka.
Usie pacyjenty, jakija znachodziacca pad nahladam, adčuvajuć siabie zdavalniajuča, uklučajučy pacyjentaŭ z paćvierdžanym karanavirusam.