Bierłuskoni kinuŭ paluboŭnicu, jakaja na 49 hadoŭ maładziejšaja za jaho. Znajšoŭ jašče maładziejšuju
05.03.2020 / 20:25
Były premjer-ministr Italii Silvia Bierłuskoni razyšoŭsia sa svajoj siabroŭkaj paśla 12 hadoŭ adnosin, piša Guardian.
83-hadovy miljarder i 34-hadovaja Frančeska Paskal «zastanucca siabrami», havorycca ŭ zajavie partyi Bierłuskoni.
Paskal, padobna, nie čakała takoha raźvićcia padziej, bo zajaviła, što jaje hetaja zajava ździviła.
Paviedamlajecca, što dvojčy raźviedzieny miedyja-mahnat ciapier sustrakajecca z 30-hadovaj Martaj Faskina, členam parłamienta ad jaho partyi.
U 2013 hodzie Bierłuskoni prysudzili da siami hadoŭ turemnaha źniavoleńnia za apłatu seksu z 17-hadovaj.