Славенія закрывае мяжу з Італіяй
10.03.2020 / 23:22
Славенія плануе закрыць для грамадзян мяжу з Італіяй, паведамляе Reuters.
Прэм'ер-міністр Славеніі Мар'ян Шарэц заявіў, што рашэнне ўступіць у сілу, калі будуць створаны неабходныя «тэхнічныя і адміністрацыйныя ўмовы».
«Мы не будзем закрываць мяжу для грузавых перавозак, паколькі гэта прывядзе да дадатковага эканамічнага ўрону», — гаворыцца ў заяве ўрада Славеніі.
Акрамя таго, у Славеніі забаранілі закрытыя мерапрыемствы з удзелам больш за 100 чалавек, а ўсе буйныя спартыўныя спаборніцтвы будуць праводзіцца без гледачоў. На сёння ў краіне пацверджана 34 выпадкі заражэння каранавірусам.
Раней пропуск людзей з Італіі спыніла Аўстрыя, а Іспанія спыніла авіязлучэнне з Італіяй.