Uciuryn pryznaŭ svaju vinu pa karupcyjnaj spravie

11.03.2020 / 12:00

Fota Nadziei Bužan

Eks-namieśnik dziaržsakratara Rady biaśpieki Biełarusi i eks-kiraŭnik Słužby achovy prezidenta Andrej Uciuryn całkam pryznaŭ svaju vinu ŭ atrymańni chabaraŭ i padbuchtorvańni da dačy chabaru, piša BiełTA.

Uciuryn abvinavačvajecca ŭ atrymańni nie mienš jak $192 tysiač. Akramia hetaha, jamu pradjaŭlenaje abvinavačvańnie ŭ padbuchtorvańni da dačy chabaru hiendyrektaru «Biełtelekama» Sivadziedavu.

«Vinu pryznaju całkam. Razam z tym u mianie jość sumnievy ŭ asobnych pytańniach kvalifikacyi maich dziejańniaŭ, pra što ja raniej padčas śledstva zajaviŭ», — skazaŭ Uciuryn.

Uciuryn byŭ aryštavany ŭ krasaviku 2019 hoda. Jamu inkryminujecca davańnie i atrymańnie chabaru.