U Kijevie na karancin začyniajuć škoły
11.03.2020 / 12:56
Karancin u Kijevie praz karanavirus uvodzicca 12 sakavika, u suviazi z hetym buduć zabaronienyja masavyja mierapryjemstvy i zakryty škoły. Pra heta zajaviŭ mer Kijeva Vital Kličko na svajoj staroncy ŭ fejsbuku, piša «RBK-Ukraina».
Kličko adznačyŭ, što ŭ Kijevie nie zarehistravana nivodnaha vypadku zachvorvańnia karanavirusam.
«Kab praduchilić mahčymaje raspaŭsiudžvańnie zachvorvańnia karanavirusam, ułady stalicy zacvierdzili płan supraćepidemičnych mier i abmiežavańniaŭ. Choć u Kijevie pakul nie zarehistravany nivodny vypadak zachvorvańnia karanavirusam, my vyrašyli nie čakać i zaścierahčy žycharoŭ horada. Previentyŭnyja miery ŭ Kijevie ŭvodzim z 12 sakavika», — adznačyŭ jon.