U novym dakładzie Dziarždepa ZŠA Biełaruś znoŭ nazvali aŭtarytarnaj dziaržavaj
12.03.2020 / 08:23
Dziarždepartament ZŠA 11 sakavika apublikavaŭ dakład ab zachavańni pravoŭ čałavieka ŭ śviecie za 2019 hod. Biełaruś u čarhovy raz nazvali aŭtarytarnaj dziaržavaj, piša tut.by.
U dakładzie adznačajecca, što ŭsia ŭłada skancentravana ŭ rukach prezidenta, a biełarusy nie mohuć vybirać uładu šlacham svabodnych i spraviadlivych vybaraŭ.
Siarod asnoŭnych parušeńniaŭ pravoŭ čałavieka ŭ Biełarusi Dziarždep nazvaŭ:
- advolnyja aryšty i zatrymańni;
- niebiaśpiečnyja dla žyćcia ŭmovy ŭtrymańnia ŭ turmie;
- advolnaje abo niezakonnaje ŭmiašańnie ŭ asabistaje žyćcio;
- značnyja prablemy ź niezaležnaściu sudovaj ułady;
- nieapraŭdanyja abmiežavańni na svabodu słova, druku, u internecie, u tym liku cenzura, błakavańnie sajtaŭ, a taksama najaŭnaść zakonaŭ, jakija tyčacca kryminalnaj adkaznaści za paklop na dziaržaŭnych čynoŭnikaŭ;
- zatrymańnie žurnalistaŭ;
- žorstkija abmiežavańni na svabodu mirnych schodaŭ i abjadnańniaŭ, u tym liku nakładańnie kryminalnaha pakarańnia za zaklik da mirnaj demanstracyi i zakony, jakija karajuć dziejnaść i finansavańnie supołak, što nie ŭchvalajucca ŭładami;
- abmiežavańni svabody pieramiaščeńnia — u pryvatnaści, dla byłych palityčnych źniavolenych, i abmiežavańni ich hramadzianskich pravoŭ;
- abmiežavańni na ŭdzieł u palityčnym žyćci, u tym liku pastajannaja nieadpaviednaść vybaraŭ mižnarodnym standartam;
- karupcyja va ŭsich ešałonach ułady;
- handal ludźmi.
U dakładzie taksama adznačajecca, što ŭłady na ŭsich uzroŭniach u 2019 hodzie časta dziejničali biespakarana i nie prymali mier dla sudovaha pieraśledu abo pakarańnia słužbovych asob, jakija parušali pravy čałavieka.