Va ŭkrainskim horadzie da daktaroŭ źviarnulisia piać viernikaŭ carkvy, jakuju naviedvała žančyna, što pamierła ad karanavirusa
13.03.2020 / 22:07
Va ŭkrainskim miastečku Radomyšl da lekaraŭ źviarnulisia piaciora viernikaŭ carkvy, jakuju naviedvała žančyna, što pamierła ad karanavirusa. Pra heta paviedamili ŭ miascovaj balnicy, u jakuju i źviarnulisia ludzi, pieradaje UNIAN.
Da miedykaŭ z vysokaj tempieraturaj źviarnulisia piaciora prychadžan, jakija malilisia ŭ carkvie, jakuju taksama naviedvała pamierłaja ad karanavirusa žančyna.
Pa słovach lekaraŭ, try čałavieki ŭžo znachodziacca na samaizalacyi, a ŭ dačynieńni da jašče dvuch — hetaje pytańnie vyrašajecca.
Miedyki nie vyklučajuć, što i hetych chvorych pryjdziecca izalavać. Taksama ŭžo izalavali lekaraŭ, jakija ahladali chvoruju na karanavirus.
U piatnicu, 13 sakavika, va Ukrainie była zafiksavana pieršaja śmierć ad karanavirusa. Pamierła žančyna z Radomyšla Žytomirskaj vobłaści.
Radomyšl — miastečka za 60 kiłamietraŭ ad biełaruska-ŭkrainskaj miažy.