У Брэсце на праймерыз вялікая яўка, перамог Севярынец
14.03.2020 / 14:03
На гэтым тыдні ўдзельнікі праймерыз ад апазіцыі накіраваліся ў Брэсцкую вобласць. Сёння праймерыз прайшлі ў абласным цэнтры пры рэкорднай яўцы — 116 чалавек.
Галасы размеркаваліся наступным чынам:
Павел Севярынец — 63 галасы, Юрась Губарэвіч — 34, Мікалай Казлоў — 4, Аляксей Янукевіч — 1, Вольга Кавалькова — 14.
Сёння ўдзельнікі праймерыз сустрэнуцца з выбарцамі яшчэ і ў Драгічыне.