Тым, хто прыехаў з Беларусі, улады Масквы раяць самаізалявацца на 14 дзён
16.03.2020 / 18:15
Мэр Масквы ўвёў дадатковыя абмежаванні з-за распаўсюджвання каранавіруса.
Патрабаванні пра самаізаляцыю на 14 дзён пасля вяртання ў Расію цяпер распаўсюджваюцца на асоб, якія прыбылі з Беларусі, ЗША, Вялікабрытаніі, усіх дзяржаў ЕС і ўсіх дзяржаў Еўропы, якія не ўваходзяць у Еўрасаюз, а таксама асоб, што сумесна пражываюць з імі.
5 сакавіка ў Маскве ўвялі рэжым павышанай гатоўнасці з-за каранавіруса. Тады рэжым самаізаляцыі загадалі выконваць толькі грамадзянам, якія вярнуліся з Кітая, Паўднёвай Карэі, Ірана, Італіі, Іспаніі, Францыі і Германіі.