Na zavodach Christian Dior, Guerlain i Givenchy buduć vyrablać sanitajzary
16.03.2020 / 21:14
Kiraŭnik hrupy kampanij Louis Vuitton Moët Hennessy (LVMH) Biernar Arno, jaki źjaŭlajecca najbahaciejšym čałaviekam Jeŭropy, ustupiŭ u baraćbu z karanavirusam, paviedamlaje BBC.
LVMH pačała vyrablać na svaich zavodach, jakija zvyčajna vypuskajuć duchi i kaśmietyku elitnych brendaŭ Christian Dior, Guerlain i Givenchy, sanitajzary — antybakteryjnyja hieli dla dezynfiekcyi ruk.
LVMH źbirajecca biaspłatna pastaŭlać antysieptyk ustanovam achovy zdaroŭja ŭ Francyi. U hrupie kampanij zajavili, što buduć vypuskać sanitajzary tak doŭha, jak heta budzie nieabchodna.
Biernar Arno źjaŭlajecca trecim najbahaciejšym čałaviekam u śviecie. Bahaćcie Arno składaje 80 miljardaŭ dalaraŭ, chacia da pačatku pandemii jaho asabisty kapitał byŭ vyšejšy za 100 miljardaŭ dalaraŭ.