Litva padoŭžyła dziejańnie tranzitnaha kalidora — pierasiekčy miažu pieššu možna da 23 sakavika
18.03.2020 / 16:30
Dziejańnie tranzitnaha kalidora praz terytoryju Litvy praciahvajecca da 00.00 23 sakavika 2020 hoda (h.zn. da nočy na paniadziełak), paviedamlaje MZS Biełarusi ŭ tvitary.
Da hetaha času ŭ biełarusaŭ jość mahčymaść pieššu pierajści punkty propusku «Miadzininkaj — Kamienny Łoh», «Rajhardas — Pryvałka» i «Šalčyninkaj — Bieniakoni».
Usie krainy-susiedzi Biełarusi zakryli miežy. Litva zabaraniła ŭjezd zamiežnym hramadzianam z poŭnačy 16 sakavika.
U rekamiendacyjach na sajcie pasolstva Biełarusi napisana, što biełarusy mohuć dabracca da punktaŭ propusku lubym transpartam, a zatym pierasiekčy miažu pieššu, a potym vyrašać, jak dabracca da svajho miesca žycharstva.