Jak u maleńkim italjanskim horadzie spynili karanavirus
19.03.2020 / 07:57
U maleńkim horadzie na poŭnačy Italii spynili zjaŭleńnie novych vypadkaŭ zaražeńnia karanavirusam z dapamohaj ekśpierymientu, piša bbc.com.
Kali kamuna Va Euhaniea niedaloka ad Vieniecyi apynułasia ŭ epicentry jeŭrapiejskaj uspyški COVID-19, tam z samaha pačatku razharnuli aktyŭnaje testavańnie nasielnictva.
Usim 3,4 tysiačam žycharam horada, niezaležna ad najaŭnaści ŭ ich simptomaŭ, zrabili testy na karanavirus. Tych, u kaho dyjahnaz pacvierdziŭsia, adpravili na strohi karancin. Ludziej, ź jakimi jany kantaktavali, — taksama.
Praz 10 dzion usich pratestavali paŭtorna, i ŭ vyniku kolkaść chvorych źniziłasia na 90%, raspavioŭ italjanskim i brytanskim SMI prafiesar Andrea Kresanci z univiersiteta Imperial College London, jaki braŭ udzieł u ekśpierymiencie.
U Vo, dzie 22 lutaha zafiksavali pieršuju ŭ Italii śmierć ad karanavirusa, haradskim orhanam achovy zdaroŭja ŭdałosia całkam spynić raspaŭsiud infiekcyi.
«Testavańnie było vielmi važnym, jano vyratavała šmat žyćciaŭ», — padzialiŭsia z žurnalistami mer horada Džułijana Marcini.