Чырвоны Крыж узнагародзіў папугая
Птушка заслужыла ўзнагароду тым, што выратавала жыццё двухгадоваму дзіцяці.
24.03.2009 / 14:13
Чырвоны Крыж уручыў узнагароду Animal Lifesaver папугаю Віллі. Птушка заслужыла яе тым, што выратавала жыццё дзіцяці.
Гаспадыня папугая, Мэган Говард, была нянькай у дзіцяці ва ўзросце каля двух гадоў. Аднойчы, калі яна выйшла з кухні, дзіця папярхнулася сваім сняданкам і стала задыхацца.
Пабачыўшы гэта, папугай некалькі разоў гучна прыкрычаў Mama, baby,
прымусіўшы сваю гаспадыню вярнуцца і паглядзець, што здарылася.
Говард выратавала дзіця з дапамогай прыёму Геймліха, аднак сцвярджае, што сапраўдны герой — гэта Віллі.
Цырымонія ўзнагароджання папугая прайшла ў Дэнвэры. Яе наведалі мэр горада Джон Хікенлупер і губернатар штата Каларада Біл Рытэр.