Biełarusy, jakija žyvuć u Maskvie, viarnulisia z adpačynku ŭ V’jetnamie — i ich terminova departujuć u Minsk
23.03.2020 / 19:45
Viktoryja Myc — hramadzianka Biełarusi, jakaja razam z dvuma dziećmi žyvie ŭ Maskvie. Žančyna viarnułasia z adpačynku ŭ V’ietnamie i ŭ maskoŭskim aeraporcie «Unukava» daviedałasia, što jaje, jak zamiežnicu, čakaje departacyja.
Viktoryja maje kvateru ŭ Maskvie, prapisanaja tam, ale heta nie chvaluje nikoha. Zamiežnica? Viartajsia na radzimu.
«Pakul jany sočać za karanavirusam, my tut usie pamrem ad zapaleńnia lohkich», — raskazvaje jana na videa, jakoje apublikavaŭ telehram-kanał Mash.
Žančyna z siam’ioj pakul zastajecca ŭ aeraporcie. Joj treba kupić bilety da Minska, pa $130 z čałavieka. Z’ieździć dadomu i sabrać rečy biełaruscy nie dazvalajuć.