У Мінск даставілі яшчэ 70 турыстаў з маскоўскага Унукава
24.03.2020 / 11:04
«Белавія» даставіла ў Мінск трэцім чартарным рэйсам 70 турыстаў, якія пасля прылёту з шэрагу краін затрымаліся ў маскоўскім аэрапорце Унукава, што не пускаў іх на радзіму. Пра гэта гаворыцца ў распаўсюджаным у аўторак паведамленні пасольства Беларусі ў РФ у твітары.
«Яшчэ 60 беларусаў вярнуліся на радзіму з В'етнама, Дамініканы, Тайланда і ААЭ. На чартэрным рэйсе авіякампаніі «Белавія» ў Мінск з аэрапорта Унукава (Масква) агулам прыбыло больш за 70 чалавек, у тым ліку грамадзян Арменіі, Казахстана, Нідэрландаў, Расіі і Украіны», — удакладнілі ў пасольстве.
Пасля вяртання ў беларускую сталіцу ўсе пасажыры прайшлі неабходны медыцынскі агляд у зоне прылёту аэрапорта ў Мінску.