Polšča praciahnuła da 13 krasavika rašeńnie pra zakryćcio miežaŭ
25.03.2020 / 16:45
Ułady Polščy pryniali rašeńnie padoŭžyć da 13 krasavika rasparadžeńnie ab zakryćci miežaŭ respubliki dla procidziejańnia raspaŭsiudžvańniu karanavirusa novaha typu. Pra heta zajaviŭ u sieradu na bryfinhu ministr unutranych spraŭ i administracyi Maryjuš Kamiński.
Jak jon nahadaŭ, miežy krainy byli zakrytyja z 15 sakavika na 10 dzion. «Heta rašeńnie pradoŭžana jašče na 20 dzion. Da 13 krasavika miežy našaj krainy zastajucca zakrytymi», — skazaŭ ministr.
Akramia hetaha, pa słovach Kamińskaha, tyja, chto pracuje ŭ susiednich z Polščaj krainach i štodnia pierasiakaje miažu, z piatnicy pavinny buduć adpravicca ŭ karancin paśla pryjezdu ŭ respubliku. Raniej hetaj katehoryi hramadzian dazvalałasia jeździć na pracu ŭ narmalnym režymie.
U Polščy zafiksavana 957 vypadkaŭ karanavirusa.