Pasłuchajcie, jak hučyć niu-mietał z žanočym vakałam pa-biełarusku. Žyvy set hurta Loudscage VIDEA
Heta kamanda stała sapraŭdnym adkryćciom i jaskravaj źjavaj u biełaruskaj alternatyŭnaj muzycy apošnich hadoŭ. Jany zapisali svoj pieršy reliz pa-anhlijsku, ale potym pieravydali jaho na biełaruskaj movie. Loudscage vyłučajucca ekstremalnym žanočym vakałam Marho Davidovič. Taksama ŭ hurcie hraje dziaŭčyna-bubnačka Inha Milistfier, jakaja dahetul hrała ŭ džaz-bendzie.
29.03.2020 / 13:59
U žyvym secie ŭ studyi Belsat Music Live hurt syhraŭ svaje najlepšyja treki, dadaŭšy da ich niekalki siurpryzaŭ. U muzyčnaj častcy, dastupnaj na Youtube-kanale prahramy, možna pačuć kavier-viersiju treka Did My Time amierykanskaha hurta Korn.
U poŭnaj ž viersii, jakaja raźmieščana ŭ supołkach BML u Facebook i Ukantakcie, jość jašče bolš niečakany śpieŭ. A taksama hutarka ź Miraj Šulc, u jakoj hurt raskaža, jak pryjšoŭ da biełaruskaj movy, ź jakoj reakcyjaj słuchačoŭ davodzicca sutykacca i čym žyvie siońnia biełaruskaja alternatyŭnaja tusoŭka. Tamu abaviazkova pahladzicie i poŭnuju viersiju.
Poŭnaja viersija tut:
- UKantakcie — https://vk.com/video-137102184_456239278
- Facebook — https://www.facebook.com/watch/?v=207947190459229
Belsat Music Live — heta aŭtarski prajekt Siarhieja Budkina. Štotydzień na telekanale «Biełsat» ajčynnyja i zamiežnyja muzyki hrajuć užyvuju ŭ studyi, a taksama razmaŭlajuć ź viadučymi pra svaju tvorčaść.