U Sinhapury anulavali pašpart parušalniku karancinu pa karanavirusie
29.03.2020 / 09:43
Ułady Sinhapura anulavali pašpart miascovaha žychara, jaki parušyŭ karancinnyja pradpisańni, piša Bloomberg.
53-hadovy mužčyna 3 sakavika vyjechaŭ ź Sinhapura ŭ Indanieziju. Jon viarnuŭsia nazad 19 sakavika i atrymaŭ pry ŭjeździe apaviaščeńnie ab abaviazkovaj chatniaj izalacyi terminam na dva tydni.
Adnak u hety ž dzień hramadzianin znoŭ adpraviŭsia ŭ Indanieziju, niahledziačy na toje što jaho mahli aštrafavać abo ŭziać pad vartu.
Mužčyna viarnuŭsia ŭ Sinhapur 24 sakavika i atrymaŭ druhoje pradpisańnie ad imihracyjnaj słužby.
U vyniku imihracyjnaja słužba Sinhapura anulavała pašpart parušalnika i pieradała jaho spravu ŭ Ministerstva achovy zdaroŭja. Biez pašparta mužčyna nie zmoža pierasiekčy miažu krainy, ale zastajecca hramadzianinam Sinhapura.