У Нью-Ёрку ад каранавіруса памерла 45-гадовая беларуска
30.03.2020 / 13:29
У Нью-Ёрку памерла эмігрантка з Беларусі Святлана Клімук. Жанчыне было 45 гадоў.
Яе сваякі, якія жывуць у Брэсце, пацвердзілі «Нашай Ніве», што жанчына была хворая на каранавірусную інфекцыю. Ці былі ў яе нейкія хранічныя захворванні, невядома.
Мяркуючы па анкеце ў фэйсбуку, Святлана працавала настаўніцай у Big Apple Academy. Гэта навучальная ўстанова ў Брукліне для рускамоўнай дыяспары.
У Святланы засталося двое дзяцей. На дапамогу яе сям'і арганізавалі збор сродкаў, за адзін дзень атрымалася сабраць амаль 50 тысяч даляраў.