Jašče dva rasijskija rehijony vyrašyli ŭvieści režym poŭnaj samaizalacyi
30.03.2020 / 17:42
Režym usieahulnaj samaizalacyi ŭvodziać Vałahodskaja i Razanskaja vobłaści, paviedamlaje RBK.
Rasparadžeńnie hubiernatara Razanskaj vobłaści Mikałaja Lubimava apublikavali ŭ haziecie «Riazanskije viedomosti».
Vyklučeńnie zroblena dla vypadkaŭ akazańnia nieadkładnaj miedycynskaj dapamohi, jazdy na pracu, dazvolenuju abłasnym uradam, pachodu ŭ najbližejšuju kramu, vynasu śmiećcia, vyhułu svojskich žyvioł.
Abmiežavalnyja zachady nie raspaŭsiudžvajucca na miedykaŭ, Rasspažyŭnahlad, palicyju, MNS i inšych siłavikoŭ, a taksama na ŭładalnikaŭ śpiecpropuskaŭ ad urada.
Hubiernatar abaviazaŭ žycharoŭ zachoŭvać dystancyju nie mienš za paŭtara mietra pry pieramiaščeńni na vulicy i ŭ transparcie, za vyklučeńniem taksi.
Pra pierachod rehijonu ŭ režym poŭnaj samaizalacyi zajaviŭ i hubiernatar Vałahodskaj vobłaści Aleh Kuŭšyńnikaŭ.
Režym poŭnaj samaizalacyi ŭviali abo ŭvodziać:
- Maskva,
- Maskoŭskaja vobłaść,
- Kalininhradskaja vobłaść,
- Murmanskaja vobłaść,
- Jakucija,
- Vałahodskaja vobłaść,
- Razanskaja vobłaść.
Abmiežavańni na pieramiaščeńnie ŭ miežach subjekta ŭviali:
- Leninhradskaja vobłaść,
- Čečenskaja Respublika.