Jak muzyka źmianiaje žyćcio. Žyvy set ad hurta «Zakon Huka», jaki praciahvaje spravu pačynalnikaŭ biełaruskaha roku VIDEA
Jany pačynali jak hurt školnych siabroŭ u dalokim 2001 hodzie i praz 15 hod vyrašyli viarnucca ŭ muzyku. Pad natchnieńniem ad tvorčaści vakalist Loksa Kuźmin daskanała vyvučyŭ biełaruskuju movu i navat schudnieŭ na 20 kiłahramaŭ.
11.04.2020 / 10:51
Sioleta ŭ «Zakona Huka» čakajecca vychad debiutnaha alboma. U žyvym secie ŭ studyi Belsat Music Live hurt syhraŭ svaje hałoŭnyja pieśni, pradstaviŭ premjernuju kampazicyju, a taksama tvor na słovy Vacłava Łastoŭskaha «Pišy», jaki ŭvajšoŭ u rejtynh «60 biełaruskamoŭnych chitoŭ sučasnaści».
Pieśni, jakija hučać u prahramie:
- «Mova» (muzyka hurta «Zakon Huka», słovy Loksy Kuźmina)
- «Pišy» (muzyka hurta «Zakon Huka», słovy Vacłava Łastoŭskaha)
- «Sam-nasam» (muzyka «Zakon Huka», słovy Loksy Kuźmina)
- «Samy čysty» (muzyka «Zakon Huka», słovy Loksy Kuźmina)
- «Nad horadam» (muzyka «Zakon Huka», słovy Loksy Kuźmina)
Na kanale ŭ YouTube možna pasłuchać muzyčnuju častku prahramy. U poŭnaj ža viersii, jakaja raźmieščana ŭ supołkach BML u Facebook i «UKantakcie», udzielniki «Zakona Huka» ŭ razmovie ź Miraj Šulc raspaviaduć pra svoj šlach da muzyki i pra toje, jak jana mianiaje žyćcio.
Poŭnaja viersija tut:
- UKantakcie — https://vk.cc/asqp8n
- Facebook — https://bit.ly/zakonhuka
Belsat Music Live — heta aŭtarski prajekt Siarhieja Budkina. Štotydzień na telekanale «Biełsat» ajčynnyja i zamiežnyja muzyki hrajuć užyvuju ŭ studyi, a taksama razmaŭlajuć ź viadučymi pra svaju tvorčaść.