U Bychavie na pažary zahinuŭ pradprymalnik
12.04.2020 / 10:49
Pažar adbyŭsia ŭ pryvatnym domie ŭ Bychavie — zahinuŭ haspadar, paviedamlaje Mahiloŭskaje abłasnoje ŭpraŭleńnie MNS.
Ranicaj 11 krasavika ratavalnikaŭ vyklikali na likvidacyju pažaru pryvatnaha trochkvaternaha doma. Susiedzi paviedamili, što ŭ adnoj z kvater jašče zastavaŭsia čałaviek.
Haspadar žytła, indyvidualny pradprymalnik 1977 h. n., žyŭ adzin. Ratavalniki znajšli jaho biez prytomnaści na padłozie ŭ pakoi, vynieśli na śviežaje pavietra. Rabotniki «chutkaj» kanstatavali śmierć.
Ahoń źniščyŭ kanapu, paškodziŭ majomaść i ścieny ŭ pakoi.
Pryčyna pažaru vyśviatlajecca.