U Rasii pravieryli tvaroh roznych brendaŭ. Najlepšym akazaŭsia biełaruski
Jak akazałasia, tolki adzin pradukt adpaviadaje normam i moža być rekamiendavany pakupnikam — heta biełaruski «Brest-Litoŭsk». Daśledvańnie praviała ekśpiertnaja rada Usierasijskaha sajuza spažyŭcoŭ «Roskantrol».
17.04.2020 / 14:05
Tvaroh vyvučali pa 30 pakazčykach. Daśledčyki vyśviatlali: ci nie padrobka, ci niama kruchmału abo zamieńnikaŭ małočnaha tłušču, ci biaśpiečny pradukt dla zdaroŭja. U vybarku patrapili rasijskija brendy, a taksama «Brest-Litoŭsk».
Jak pakazała ekśpiertyza, normam pa kancentracyi małočnakisłych mikraarhanizmaŭ adpaviadaje tvaroh tolki dźviuch marak: «Brest-Litoŭsk» i «Dźmitraŭski małočny zavod». Adnak u pradukcyi apošniaha ŭtrymańnie droždžaŭ akazałasia ŭ 4600 razoŭ vyšej za maksimalna dapuščalnaje techrehłamientam.
U vyniku tolki biełaruski «Brest-Litoŭsk» prajšoŭ pravierki biez zaŭvah. Tvaroh z Bresta nabraŭ 73 bały ŭ testavańni i z salidnym adryvam zaniaŭ pieršaje miesca.
Biełaruskija małočnyja pradukty nazyvali najlepšymi ŭ Rasii i raniej.