Аналітыкі дапускаюць падзенне цэн на нафту да мінус $100
22.04.2020 / 18:06
Нафтагазавы аналітык банка Mizuho Пол Сэнкі лічыць, што ў маі нафтавыя каціроўкі працягнуць падаць і могуць дасягаць -$100 за бараль, піша CNBC.
«Відавочна, што мы праходзім праз маштабны штодзённы крызіс кіравання на нафтавым рынку. Ці дасягнём мы -$100 за бараль у наступным месяцы? Цалкам магчыма», — сказаў Сэнкі, які яшчэ ў сакавіку папярэдзіў пра магчымае падзенне цэн на нафту да адмоўных значэнняў.
Месца ў нафтасховішчах заканчваецца, чаго ніколі не здаралася раней. Праз некалькі тыдняў месцаў для захоўвання сырой нафты можа не застацца.