Амаль палова смерцяў ад каранавіруса ў Еўропе прыпадае на дамы састарэлых
23.04.2020 / 20:04
Паводле Сусветнай арганізацыі аховы здароўя, амаль палова тых, хто памёр ад COVID-19 у Еўропе, жылі ў дамах састарэлых, паведамляе CNN.
Дырэктар Еўрапейскага рэгіянальнага бюро СААЗ Ханс Клюге ахарактарызаваў сітуацыю з распаўсюджваннем каранавіруса ва ўстановах доўгачасовага догляду як «вельмі трывожную» і назваў яе глабальнай праблемай.
«Пандэмія прыцягнула ўвагу да недаацэненых куткоў нашага грамадства. Па ўсім Еўрапейскім рэгіёне паслугі па доўгатэрміновым доглядзе часта ігнараваліся. Але так не павінна быць», — сказаў Клюге.