Darja — brudnyja pałonki
01.04.2009 / 10:33
Jakoje nadvorje 1 krasavika, takoje ž budzie i 1 kastryčnika, i naadvarot.
Kałi ŭnačy 1 krasavika nie vidać zorak — čakaj ciopłaha nadvorja.
Darja — «brudnyja pałonki». Takuju nazvu hety dzień atrymaŭ za vielmi chutkaje rastavańnie śniehu ŭ hety čas. Usie viaskovyja ściažynki byłi vielmi ciažkija.
«Ad Dar'i pałotny bielać» — na apošnija marazy i śnieh sialanie vynosiłi białić pałotny.
U Biełarusi ŭ niekatorych rehijonach 1 krasavika sustrakałi viasnu.
«Kałi 1 krasavika nie padmanieš, kałi ž jašče čas znojdzieš?». Kožny hod 1 krasavika my adznačajem z humaram, viasiołymi žartami. Moža, zasnavalnicaj takoj tradycyi stała sama pryroda ź jaje viasnovymi niepradkazalnaściu i źmienłivaściu? Ludzi imknułisia zadobryć jaje ahulnaj radaściu, uśmieškami, kab nadvorje źmianiła svoj nastroj i adahnała ciomnyja abłoki.
U narodzie vieryłi: kałi ŭ hety dzień padmanuć 12 čałaviek, to ŭsie nastupnyja 12 miesiacaŭ vam budzie ščascić. Kałi ž nie padmanuć nikoha — uvieś hod ščaścia nie budzie.
Narodnyja lekary pieraścierahałi ad užyvańnia tłustaj ježy 1 krasavika, kab paśla 35 hadoŭ nie nabrać załišniaj vahi.