Bresckaha błohiera Siarhieja Piatruchina zatrymali na troje sutak
07.05.2020 / 13:22
Dziažurny Leninskaha RAUS Bresta paviedamiŭ miascovamu pravaabaroncu Uładzimiru Vialičkinu, što brescki błohier Siarhiej Piatruchin zatrymany na troje sutak i znachodzicca ŭ izalatary časovaha ŭtrymańnia, paviedamlaje pres-słužba Biełaruskaj asacyjacyi žurnalistaŭ.
Pavodle słoŭ dziažurnaha, jon nie viedaje, kali buduć sudzić Siarhieja Piatruchina. Taksama nieviadoma, na jakoj padstavie jaho zatrymali.
Pra źniknieńnie Siarhieja Piatruchina, jaki viadzie papularny youtube-kanał «Narodny reparcior», stała viadoma ad jaho kalehi — Alaksandra Kabanava. Piatruchin źbiraŭsia jechać da inšaha błohiera — Siarhieja Cichanoŭskaha, adnak u niejki momant pierastaŭ vychodzić na suviaź.
Padčas žyvoha efiru błohiera Uładzimira Cyhanoviča (MozgON) prahučała infarmacyja, što Piatruchin byŭ zatrymany supracoŭnikami AMAPa ŭ vioscy Vostraŭ Puchavickaha rajona (Minskaja vobłaść). Uviečary 6 maja Cyhanoviču paviedamili ŭ Puchavickim RAUS, što Siarhiej Piatruchin znachodzicca ŭ Breście, ale na toj čas dziažurny milicyjant UUS Bresckaha abłvykankama hetuju infarmacyju nie pacvierdziŭ.